Category: Gazals

ﭘﮭﺮ ﻭﮨﯽ ﺑﻴﺪﻟﯽ ، ﭘﮭﺮ ﻭﮨﯽ ﻣﻌﺬﺭﺕ
ﺑﺲ ﺑﮩﺖ ﮨﻮ ﭼﮑﺎ ، ﺯﻧﺪﮔﯽ ! ﻣﻌﺬﺭﺕ

ﺧﻮﺩ ﮐﻼﻣﯽ ﺳﮯ ﺑﮭﯽ ﺭﻭﭨﮫ ﺟﺎﺗﯽ ﮨﮯ ﺗﻮ
ﺍﺏ ﻧﮧ ﺑﻮﻟﻮﮞ ﮔﺎ ﺍﮮ ﺧﺎﻣﺸﯽ ، ﻣﻌﺬﺭﺕ

ﺩﺍﺩ ﺑﮯ ﺩﺍﺩ ﻣﯿﮟ ﺟﯽ ﻧﮩﻴﮟ ﻟﮓ ﺭﮨﺎ
ﺩﻭﺳﺘﻮ ! ﺷﮑﺮﻳﮧ ، ﺷﺎﻋﺮﯼ ! ﻣﻌﺬﺭﺕ

ﺍﺏ ﻳﮧ ﺁﻧﺴﻮ ﺩﻭﺑﺎﺭﮦ ﻧﮩﻴﮟ ﺁﺋﻴﮟ ﮔﮱ
ﺍﺏ ﻧﮧ ﮨﻮﮔﯽ ﻣﺮﯼ ﻭﺍﭘﺴﯽ ، ﻣﻌﺬﺭﺕ

ﺑﮯ ﺧﻮﺩﯼ ﻣﻴﮟ ﺧﺪﺍﺉ ﮐﺎ ﺩﻋﻮﯼ ﮐﻴﺎ
ﺍﮮ ﺧﺪﺍ ﺩﺭﮔﺰﺭ ، ﺍﮮ ﺧﻮﺩﯼ ، ﻣﻌﺬﺭﺕ

ﺗﺠﮫ ﺳﮯ ﮔﺰﺭﯼ ﮨﻮﺉ ﺯﻧﺪﮔﯽ ﻣﺎﻧﮓ ﻟﯽ
ﺭﺏّ _ ﺍﻣﺮﻭﺯ ﻭ ﻓﺮﺩﺍ ﻭ ﺩﯼ ، ﻣﻌﺬﺭﺕ

ﺩﮬﻮﭖ ﮈﮬﻞ ﺑﮭﯽ ﭼﮑﯽ ، ﺳﺎﮰ ﺍﭨﮫ ﺑﮭﯽ ﭼﮑﮯ
ﺍﺏ ﻣﺮﮮ ﻳﺎﺭ ﮐﺲ ﺑﺎﺕ ﮐﯽ ﻣﻌﺬﺭﺕ

ﺍﮎ ﻧﻈﺮ ﺍﺱ ﻧﮯ ﺩﻳﮑﮭﺎ ﮨﮯ ﻋﺎﺻﻢ ، ﭼﻠﻮ
ﺩﻭﺭ ﮨﯽ ﺳﮯ ﺳﮩﯽ ، ﮨﻮ ﭼﮑﯽ ﻣﻌﺬﺭﺕ

لیاقت علی عاصم

دنیا میں ہوں دنیا کا طلب گار نہیں ہوں
بازار سے گزرا ہوں خریدار نہیں ہوں

زندہ ہوں مگر زیست کی لذت نہیں باقی
ہرچند کہ ہوں ہوش میں ہشیار نہیں ہوں

اس خانۂ ہستی سے گزر جاؤں گا بے لوث
سایہ ہوں فقط نقش بہ دیوار نہیں ہوں

افسردہ ہوں عبرت سے دوا کی نہیں حاجت
غم کا مجھے یہ ضعف ہے بیمار نہیں ہوں

وہ گل ہوں خزاں نے جسے برباد کیا ہے
الجھوں کسی دامن سے میں وہ خار نہیں ہوں

یا رب مجھے محفوظ رکھ اس بت کے ستم سے
میں اس کی عنایت کا طلب گار نہیں ہوں

گو دعوی تقوی نہیں درگاہ خدا میں
بت جس سے ہوں خوش ایسا گنہ گار نہیں ہوں

افسردگی و ضعف کی کچھ حد نہیں اکبرؔ
کافر کے مقابل میں بھی دیں دار نہیں ہوں