تیرے گاؤں کی خیر ہو آمین
تیری راہوں کی خیر ہو آمین
جن نگاہوں نے تجھکو دیکھا ہو
ان نگاہوں کی خیر ہو آمین
جن صداؤں کو تیرے کان سنیں
ان صداؤں کی خیر ہو آمین
جن ہواؤں کو تیرا لمس ملے
ان ہواؤں کی خیر ہو آمین
جن گداؤں کو تیری بھیک ملے
ان گداؤں کی خیر ہو آمین
جن دعاؤں میں تیرا نام بسے
ان دعاؤں کی خیر ہو آمین
جن گناہوں کو تیرا دل چاہے
ان گناہوں کی خیر ہو آمین
تیرے ہاتھوں سے روشنی پھوٹے
نرم بانہوں کی خیر ہو آمین
جن فضاؤں میں تیری خوشبو ہو
ان فضاؤں کی خیر ہو آمین
Be First to Comment