This Category will contain all sad poetry
اک گھڑی وصل کی بے وصل ہوئی ہے مجھ میں
کس کے آنے کی خبر قتل ہوئی ہے مجھ میں
سانس لینے سے بھی بھرتا نہیں سینے کا خلا
جانے کیا شے ہے جو بے دخل ہوئی ہے مجھ میں
جل اٹھے ہیں سر مژگاں تری خوشبو کے چراغ
اب کے خوابوں کی عجب فصل ہوئی ہے مجھ میں
مجھ سے باہر تو فقط شور ہے تنہائی کا
ورنہ یہ جنگ تو دراصل ہوئی ہے مجھ میں
تو نے دیکھا نہیں اک شخص کے جانے سے سلیمؔ
اس بھرے شہر کی جو شکل ہوئی ہے مجھ میں
سلیم کوثر
Leave a Commentآسماں سے بھی ہم اتارے گئے
اور زمیں پر بھی کب سنوارے گئے
جیسے کٹتی ہیں ہجر کی راتیں
زیست ہم تجھ سے یوں گزارے گئے
بے رخی تک نہ بات پہنچی تھی
ہم عنایات میں ہی مارے گئے
جن کی خاطر پچھاڑا طوفاں کو
سب سے پہلے وہی کنارے گئے
ہم نے مڑ کر تمہی کو ڈھونڈا ہے
جب جہاں جس گھڑی پکارے گئے
نہ جگہ تھی ہماری جس دل میں
ہم اسی دل میں کیوں اتارے گئے
بولو وہ کیا کریں بصارت کا
جن کی آنکھوں کے سب نظارے گئے
جینا آسان ہو گیا تیرا
جب سے ابرک ترے سہارے گئے
اتباف ابرک
Leave a Commentیہ اور بات ہے تجھ سے گلا نہیں کرتے
جو زخم تو نے دیے ہیں بھرا نہیں کرتے
ہزار جال لیے گھومتی پھرے دنیا
ترے اسیر کسی کے ہوا نہیں کرتے
یہ آئنوں کی طرح دیکھ بھال چاہتے ہیں
کہ دل بھی ٹوٹیں تو پھر سے جڑا نہیں کرتے
وفا کی آنچ سخن کا تپاک دو ان کو
دلوں کے چاک رفو سے سلا نہیں کرتے
جہاں ہو پیار غلط فہمیاں بھی ہوتی ہیں
سو بات بات پہ یوں دل برا نہیں کرتے
ہمیں ہماری انائیں تباہ کر دیں گی
مکالمے کا اگر سلسلہ نہیں کرتے
جو ہم پہ گزری ہے جاناں وہ تم پہ بھی گزرے
جو دل بھی چاہے تو ایسی دعا نہیں کرتے
ہر اک دعا کے مقدر میں کب حضوری ہے
تمام غنچے تو امجدؔ کھلا نہیں کرتے
امجد اسلام امجدؔ
Leave a Commentمیں لفظ چُنوں __ دلکش چُنوں
پھر ان سے “” تیرا “” احساس بُنوں
تجھے لکھوں میں ” دھڑکن” اس دل کی
یا تجھ کو ابر کی __ رم جھم لکھوں
ستاروں کی عجب __ جھلمل کبھی
پلکوں کی تجھے “” شبنم “” لکھوں
کبھی کہہ دوں تجھے میں جاں اپنی
کبھی تجھ کو میں اپنا محرم لکھوں
کبھی لکھ دوں تجھے __ ہر درد اپنا
کبھی تجھ کو زخم کا ” مرہم” لکھوں
تو زیست کی ہے _ امید میری
میں تجھ کو خوشی کی” نوید “لکھوں
لفظوں پہ نگاہ جو ڈالوں __ کبھی
ہر لفظ کو” بیاں “سے عاجز لکھوں!!
میں تجھ کو تکوں _ تکتی جاؤں
میں تجھ کو میری “” تمہید “” لکھوں
تم گفت ہو میرے _ اس دل کی
میں “” تجھ “” کو فقط شنید لکھوں
زاہد بدل گیا ہے سیانا بدل گیا
ڈنکے کی چوٹ پر ہے زمانہ بدل گیا
کہہ دو مسافروں سے نہ آئیں وہ لوٹ کر
رستہ یہ ان کے جاتے ہی رستہ بدل گیا
ہم کو شکایتیں نہیں اتنا گلہ ہے بس
وہ چاہ آپ کی وہ بلانا بدل گیا
ابرک ہمیں بدل کے یوں خوش یار لوگ ہیں
جیسے کوئی خراب سا پرزہ بدل گیا
اتباف_ابرک
Leave a Commentاب کہاں جاؤں ؟ کہاں چکر لگاؤں؟ کیا کروں؟
!…میری وحشت کے مطابق_ کوئی ویرانہ نہیں
ﭘﮭﺮ ﻭﮨﯽ ﺑﻴﺪﻟﯽ ، ﭘﮭﺮ ﻭﮨﯽ ﻣﻌﺬﺭﺕ
ﺑﺲ ﺑﮩﺖ ﮨﻮ ﭼﮑﺎ ، ﺯﻧﺪﮔﯽ ! ﻣﻌﺬﺭﺕ
ﺧﻮﺩ ﮐﻼﻣﯽ ﺳﮯ ﺑﮭﯽ ﺭﻭﭨﮫ ﺟﺎﺗﯽ ﮨﮯ ﺗﻮ
ﺍﺏ ﻧﮧ ﺑﻮﻟﻮﮞ ﮔﺎ ﺍﮮ ﺧﺎﻣﺸﯽ ، ﻣﻌﺬﺭﺕ
ﺩﺍﺩ ﺑﮯ ﺩﺍﺩ ﻣﯿﮟ ﺟﯽ ﻧﮩﻴﮟ ﻟﮓ ﺭﮨﺎ
ﺩﻭﺳﺘﻮ ! ﺷﮑﺮﻳﮧ ، ﺷﺎﻋﺮﯼ ! ﻣﻌﺬﺭﺕ
ﺍﺏ ﻳﮧ ﺁﻧﺴﻮ ﺩﻭﺑﺎﺭﮦ ﻧﮩﻴﮟ ﺁﺋﻴﮟ ﮔﮱ
ﺍﺏ ﻧﮧ ﮨﻮﮔﯽ ﻣﺮﯼ ﻭﺍﭘﺴﯽ ، ﻣﻌﺬﺭﺕ
ﺑﮯ ﺧﻮﺩﯼ ﻣﻴﮟ ﺧﺪﺍﺉ ﮐﺎ ﺩﻋﻮﯼ ﮐﻴﺎ
ﺍﮮ ﺧﺪﺍ ﺩﺭﮔﺰﺭ ، ﺍﮮ ﺧﻮﺩﯼ ، ﻣﻌﺬﺭﺕ
ﺗﺠﮫ ﺳﮯ ﮔﺰﺭﯼ ﮨﻮﺉ ﺯﻧﺪﮔﯽ ﻣﺎﻧﮓ ﻟﯽ
ﺭﺏّ _ ﺍﻣﺮﻭﺯ ﻭ ﻓﺮﺩﺍ ﻭ ﺩﯼ ، ﻣﻌﺬﺭﺕ
ﺩﮬﻮﭖ ﮈﮬﻞ ﺑﮭﯽ ﭼﮑﯽ ، ﺳﺎﮰ ﺍﭨﮫ ﺑﮭﯽ ﭼﮑﮯ
ﺍﺏ ﻣﺮﮮ ﻳﺎﺭ ﮐﺲ ﺑﺎﺕ ﮐﯽ ﻣﻌﺬﺭﺕ
ﺍﮎ ﻧﻈﺮ ﺍﺱ ﻧﮯ ﺩﻳﮑﮭﺎ ﮨﮯ ﻋﺎﺻﻢ ، ﭼﻠﻮ
ﺩﻭﺭ ﮨﯽ ﺳﮯ ﺳﮩﯽ ، ﮨﻮ ﭼﮑﯽ ﻣﻌﺬﺭﺕ
لیاقت علی عاصم
Leave a Commentپی لی تو کچھ پتہ نہ چلا وہ سرور تھا
وہ اس کا سایہ تھا کہ وہی رشک حور تھا
کل میں نے اس کو دیکھا تو دیکھا نہیں گیا
مجھ سے بچھڑ کے وہ بھی بہت غم سے چور تھا
رویا تھا کون کون مجھے کچھ خبر نہیں
میں اس گھڑی وطن سے کئی میل دور تھا
شام فراق آئی تو دل ڈوبنے لگا
ہم کو بھی اپنے آپ پہ کتنا غرور تھا
چہرہ تھا یا صدا تھی کسی بھولی یاد کی
آنکھیں تھیں اس کی یارو کہ دریائے نور تھا
نکلا جو چاند آئی مہک تیز سی منیرؔ
میرے سوا بھی باغ میں کوئی ضرور تھا
منیر نیازی
Leave a Commentدیار غیر میں کیسے تجھے سدا دیتے
تو مل بھی جاتا تو آخر تجھے گنوا دیتے
تمہی نے نہ سنایا اپنا دکھ ورنہ
دعا وہ دیتے کہ آسماں ہلا دیتے
وہ تیرا غم تھا کہ تاثیر میرے لہجے کی
کہ جسے حال سناتے اُسے رولا دیتے
ہمیں یہ زعم تھا کہ اب کہ وہ پکاریں گے
انہیں یہ ضد تھی کہ ہر بار ہم صدا دیتے
تمھیں بھلانا اول تو دسترس میں نہیں
گر اختیار میں ہوتا تو کیا بھلا دیتے؟
سماعتوں کو میں تاعمر کوستا رہا وصی
وہ کچھ نہ کہتے مگر لب تو ہلا دیتے
وصی شاہ
Leave a Commentدنیا میں ہوں دنیا کا طلب گار نہیں ہوں
بازار سے گزرا ہوں خریدار نہیں ہوں
زندہ ہوں مگر زیست کی لذت نہیں باقی
ہرچند کہ ہوں ہوش میں ہشیار نہیں ہوں
اس خانۂ ہستی سے گزر جاؤں گا بے لوث
سایہ ہوں فقط نقش بہ دیوار نہیں ہوں
افسردہ ہوں عبرت سے دوا کی نہیں حاجت
غم کا مجھے یہ ضعف ہے بیمار نہیں ہوں
وہ گل ہوں خزاں نے جسے برباد کیا ہے
الجھوں کسی دامن سے میں وہ خار نہیں ہوں
یا رب مجھے محفوظ رکھ اس بت کے ستم سے
میں اس کی عنایت کا طلب گار نہیں ہوں
گو دعوی تقوی نہیں درگاہ خدا میں
بت جس سے ہوں خوش ایسا گنہ گار نہیں ہوں
افسردگی و ضعف کی کچھ حد نہیں اکبرؔ
کافر کے مقابل میں بھی دیں دار نہیں ہوں