کوئی تنتر منتر، تان کہے
کوئی گیتا، وید، قرآن کہے
اک بدھا، رام رحیم ہے جی
اک نور تو اک نروان کہے
سب اپنے اپنے من کی کی
کیا میں پاپی حیران کہے
اک کہہ دے بات اشاروں میں
اک بولے تو وجدان کہے
ہے برہما، شیو، اور وشنوجی
اک رام، کرشن بھگوان کہے
یہ کیسی گنجل رمز ہے جی
لقمان کہے، جبران کہے
اک نانک اوم کار کا ورد پڑھے
اک کان کھینچ اذان کہے
اک بلھا ناچے تا تھیا
اور منصور حیران، بے جان کہے
زیر، زبر، اور پیش ہے بس
تفسیر باہو سلطان کہے
قصہ ہیر کا رمز ہے جی
سب شعر ہیں تفسیر قرآن کہے
سب گنجل گنجل راز ہیں جی
بس سچا رب رحمان کہے
Collection Of Your Favorite Poets